Maroon-Jib autoparts solo-leader na sa SRP Sunday Club Summer league 2015

CEBU, Philippines - Gibulingan sa reigning champion Maroon-JIB Autoparts ang rekord sa ilang karibal Orange team pinaagi sa pagdaog, 69-62 aron magpabiling way pilde sa SRP Sunday Club Summer League 2015 niadtong Domingo didto sa  San Roque Parish gym sa Brgy. Subangdaku, Mandaue City.

Sa maong kadaugan, ang Maroon-JIB Autoparts ni team owner Alex Tecson nagsolo na sa standing nga kanhi nila gisaw-an sa Orange team.

Sa gihapon, si reigning MVP Benito Aton Jr. mao na sab ang topscorer sa Maroon-JIB Autoparts nga mipabuhagay og 17 puntos, diin 12 niini iyang nahimo sa fourth quarter. Si  Eric Obra mikamada’g 10 puntos alang sa Maroon-JIB Autoparts nga nagbitbit og 5-0 nga baraha.

Sa pasiunang duwa, ang Gray team naka-eskapo bitbit ang 55-52 nga kadaugan batok sa Red.

Gipangulohan ang kadaugan ni Canjo Echavez pinaagi sa iyang 12 puntos, gisundan ni Marcial Marturillas nga adunay 10 puntos.

Ang  Red team gipangulohan sab ni Renato Conahap sa iyang 10 puntos.

Sa laing aksiyon, ang Violet midaog sab batok sa Green team sa pagpangulo ni Romy Rosaroso, kinsa miposa’g 14 puntos, samtang si  Benjie Pelarios sab ang nangu sa napildeng Green nga mikadlit og 10 puntos. (BANAT NEWS)

PUNTOS MATAG USA

Unang duwa:

GRAY (55) – Canjo 12, Marturillas 10, Feniza 8, Obenza 5, Supangan 4, Dublin 4, Castañeda 4, Lobedica 2, Enad 2, Rico 2, Perez 2.

RED (52) – Conahap 10, Colanse 8, Migallen 8, Miñoza 5, Dy 5, Villarin 4, Castro 4, Amora 3, Castañeda 2.

Ikaduhang duwa:

MAROON (69) – Aton 17, Obra 10, Aniñon 9, Anghay 9, Tecson 6, Caballero 6, Cabunillas 6, Labastida 4.

ORANGE (62) – Badilles 14, Ipili 8, Ortiz 7, Tecson 7, Colina 6, Dela Peña 6, Gonzaga 4, Perolino 2, Aventajado 2, Savequilla 2, Carino 2.

Ikatulong duwa:

VIOLET (47) – Rosaroso 14, Dayanan 7, Gonzaga 6, Pestaño 4, Andrew. Auxtero 4, Adrian. Auxtero 4, Ramirez 4, Paciencia 2, Sagayno 2.

GREEN (43) – Pelarios 10, Menaling 9, Mercader 7, Miñoza 5, Abatayo 4, Dialogo 4, Simbajon 4.