Lady Maroons tatapusin agad ang Tigresses sa UAAP softball
Laro Ngayon
(Rizal Memorial Diamond)
MANILA, Philippines - Pawiin ang masasakit na pagkatalo sa UST Tigresses sa playoffs ang balak gawin ng UP Lady Maroons sa second round ng 77th UAAP softball step-ladder semifinals ngayon sa Rizal Memorial Diamond.
Magsisimula ang tagisan sa ganap na alas-9 ng umaga at kailangan lamang ng UP na manalo sa UST para umabante na sa championship round.
Dahil pumangalawa sa elimination round, ang Lady Maroons ay may twice-to-beat advantage sa Tigresses.
Sa huling dalawang taon na nagkaroon ng step-ladder semifinals, nagkita ang UP at UST sa first round at palaging nananalo ang huli sa una sa dikitang 4-3 at 3-2 iskor.
Winalis din ng UST ang dalawang laro nila ng UP sa double round elimination pero nakabawi kahit paano ang State University sa 7-4 panalo sa playoff para sa number two spot.
Ang four-time defending champion Adamson Lady Falcons ay nasa finals matapos ang 12-0 sweep para lumawig pa sa 60-0 ang malinis na karta na nagsimula noon pang 2011. (ATan)
- Latest
