Norwood, Alapag at Blatche nalagay sa Spanish papers

SEVILLE – Tatlong mi­yembro ng Gilas Pilipinas ang nakakuha ng atensyon ng mga Spanish newspapers na nag-uulat ng 2014 FIBA World Cup.

Ang pinakahuling iti­nampok sa Spanish daily sports newspaper na Marca ay si Gabe Norwood na ang litrato ay sinamahan ng larawan ni US President Ba­rack Obama.

Ang tawag kay Norwood sa PBA ay ‘Mr. Presi­dent’ dahil sa kanyang pag­ka­kahawig kay Obama.

Laban sa Argentina, ang kanyang slam dunk sa mukha ni NBA veteran Luis Scola ay nakasama sa highlight reel ng FIBA at ESPN.

Sa dyaryong AS ay inila­bas ang litrato ni Jimmy Ala­pag na nilusutan si Mou­ham­mad Faye at ni natura­lized player Andray Blatche na binantayan nina Maleye Ndoye at Gorgui Dieng.