Cebuano jins mikabkab bulawan sa Korea

CEBU, Philippines - Laing duha ka Sugbuanon jins nga sila si McAyngr Alob ug Clement Tan ang mitunol og bulawan alang sa Team Philippines sa team event sa World Taekwondo Hanmadang didto sa Pohang gym sa Gyeongsangbuk-do, Pohang City sa South Korea.

Sila si Alob ug Tan gikan  sab mikabkab og bulawan sa team authorized competition uban nilang Bella Cesista, Juvenille Crisostomo, Jeordan Dominguez, Ardee Landrito, Junior Reyes, Joevani Colega ug Jaylord Seridon.

Midaog sab sila og silver matag usa uban ni  Alob  gikan  sa  pairs junior IV uban nilang Clare Gascon ug Tan  pinaagi sa pairs junior III uban ni Nichole Maurin. (BANAT PALARO)