No. 1 mjdl mikulit og record
CEBU, Philippines - Mikulit og tournament record ang di mabangbang nga MJDL Brokers kinsa mi-iskor og 163-89 nga kadaugan batok sa Global nga maoy labing daku nga final score sa 2nd BOC-CIPU Cup basketball tournament kaniadtong Huwebes didto sa barangay Tinago gym, ning dakbayan.
Ang 74 puntos nga winning margin sa MJDL mao sab ang labing daku nga nahimo sa usa ka team sa duha ka tuig nga torneyo.
Siyam sa 12 ka players sa MJDL ang mibahug og double figures aron ipaila ang ilang kabangis diin mibahug ug 20 puntos si Noel Medalle aron pangulohan ang ilang team kinsa adunay 8-0 nga baraha ug usa na lang ka daog aron taposon ang elimination round pinaagi sa sweep.
Makalilisang nga fastbreak nga wala masulbad sa ilang kaatbang maoy gipahamtang sa MJDL diin parehong mihakot og 19 puntos matag usa silang Beking Rollon ug Jaymar Elloren ug may 18 puntos matag usa silang Janus Abellana ug Jonas Cayanong.
Silang Nico Laborte ug Dandan Enriquez mihimo'g 16 ug 12 puntos matag usa samtang pareho sab may 10 puntos matag usa silang Michael Amistoso ug Junrey Arreglo.
Ang 3-5 nga Global gipangulohan ni Macoy Velasquez sa iyang 20 puntos.
Sa laing duwa, midaug ang Enforcement Security Service (ESS) batok sa Ynah Brokers, 95-81 diin wala'y nakapiog kang Ramil Aniñon sa ilawom aron mosakmit og 25 puntos.
Ang ESS mitapos sa elimination round sa ilang 6-3 nga baraha alang sa ikatulong pwesto.
Si Tata Laborte maoy nangu sa 3-5 nga Ynah sa iyang 17 puntos.
Puntos matag usa:
First Game:
MJDL (163)--- N. Medalle 20, Rollon 19, Ellorin 19, Abellana 18, Cayanong 18, Laborte 16, Enriquez 12, Amistoso 10, Arreglo 10, Bensi 8, Largosa 7, Villacastin 6.
Global (89)--- Velasquez 20, Jadraque 19, Plando 16, Cedeño 8, Amaro 5, Banghal 5, Diaz 4.
Second Game:
ESS (95)--- Aniñon 25, Gacilos 16, Gabica 14, Abayon 10, Mose 8, Cañete 8, Monteño 6,Yu 4, Dela Cruz 2, Asidro 2.
Ynah (81)--- T. Laborte 17, Allerite 12, Niones 10, Oporto 9, Peras 9, Carmen 5, Garcia 5, Lobitaña 4, Piape 4. (BANAT NEWS)
- Latest
