MJDL mipilde sa Petracorta sa BOC-CIPU cagefest

CEBU, Philippines -  Gibulingan sa MJDL Brokers ang rekord sa   Petracorta-Rollway Brokers pinaagi sa pag-iskor og 108-100 nga kadaugan niadtong Martes sa gabii sa 2nd BOC-CIPU basketball tournament didto sa barangay Tinago gym, ning dakbayan.

 Nagpauwan og tres ang MJDL hinungdan nga sayo kaayo nilang gilubong ang Rollway, 42-20 sa first period. Ilang gitapos ang halftime sa iskor nga 70-50.   Mihulga ang Rollway  sa fourth period, 83-89 human sa basket ni team owner Rolly dela Pieza, kinsa mibahog og 12 puntos sa maong duwa. 
 Sama sa gihapon, balanse kaayo ang iskor sa MJDL nga gipangulohan nilang Dandan Enriquez ug Janus Abellana sa ilang 19 ug 18 puntos matag usa. Silang Nico Laborte, Michael Amistoso, Jaymar Elloren ug Beking Rollon mihimo sab og double figures.
 Si Julius Tarona maoy topscorer sa 6-1 nga Rollway pinaagi sa iyang 41 puntos.
  Sa sayo pa, parehong pilde ang Rongcales Brokers ug Avenido Brokers pinaagi sa double default tungod kay pito lang ka players gikan sa matag team ang naka-uniporme.
 
puntos matag usa

 MJDL Brokers (108) – Enriquez 19, Abellana 18, Laborte 13, Amistoso 12, Elloren 12, Rollon 11, Bensi 8, N. Medalle 4, Cayanong 4, Largosa 2, B. Medalle 1.
 Rollway (100) – Tarona 41, Moral 27, Dela Pieza 12, Saragio 8, Solidarios 4, N. Petracorta 2, Villaronza 2, Generalo 2, Palad 2. (BANAT NEWS)