La Salle kontra sa FEU sa pagbubukas ng UAAP season

MANILA, Philippines - Bubuksan ng De La Salle University ang kani­lang pagdedepensa sa UAAP men’s basketball title kontra sa Far Eastern Uni­versity sa pagbubukas ng Season 77 sa Hulyo 12 sa Smart-Araneta Coliseum.

Ang rematch ng na­ka­­raang Final Four ay na­­katakda sa alas-4 ng ha­pon.

Sa naturang semifinals series ay sinibak ng Green Archers ang Tamaraws pa­tungo sa kanilang pag-angkin sa unang UAAP crown matapos noong 2007.

Lalabanan naman ng host University of the East ang University of the Philippines sa alas-2.

“Expect an out of this world opening ceremony,” ani UE athletic director and UAAP board secretary general-treasurer Rodrigo Ro­que kahapon sa Philip­pine Sportswriters Association (PSA) Forum sa Shakey’s Malate.

Ang tema para sa season ay `Unity in Excellence’, ayon kay Roque.

Sa Hulyo 13 ay magla­laban naman ang Ateneo at ang Adamson kasunod ang banggaan ng University of Santo Tomas at ng National University.

Wala pang nahihirang na UAAP Commissioner ang UAAP Board, ayon kay Roque.

Ang mga nasa lis­tahan ay sina basketball legend Sen. Robert Ja­worski, Sr., Tito Varela, Joe Lipa, da­ting PBA mentor Bong Ramos, Bay Cristobal, da­ting PBA Com­missioner Noli Eala, 2013 Commissioner Chito Loyzaga, Rain or Shine coach Yeng Guiao, broadcaster Chino Trinidad, multi-title juniors coach Ato Badolato at basketball ana­lyst Andy Jao.