Sa NCAA athletics event diretsong 4 sa JRU bets
MANILA, Philippines - Dumiretso ang Jose Rizal University sa kanilang ikaapat na sunod na dominasyon matapos maghari sa 89th NCAA track and field competitions noong Sabado sa La Salle-Dasmariñas grounds sa Cavite.
Tinapos ng JRU ang kanilang kampanya sa pamamagitan ng panalo sa 4x100-meter relay.
Iginiya ni Domingo Cabradilla ang 4x100-m squad, kinabibilangan din nina Peter Pol Padal, Pernel Lobos at Simplicio Doysabas, sa bilis na 42.41 segundo na siyang bagong record sa event na inorganisa ni JRU Management Committee representative Paul Supan.
Bukod sa nasabing event ay kumuha rin si Cabradilla ng gold medals sa 110m at 400m hurdles.
Nagtakbo siya ng bronÂze medal sa 110m noong 2012 bago iniupo ang 2013 season dahil sa academic deficiencies.
“This is redemption for the boys,†wika ni Jose Rizal coach Jojo Posadas, naghatid sa JRU sa apat na seniors’ athletic championships katuwang ang asawang si dating Southeast Asian long jump queen Elma Muros-Posadas.
Inangkin naman nina Aldrin Rey, Lobos, Padal at Ramil Toledo ang ginto sa 4x400-m.
Matapos ang tatlong araw ay humakot ang JRU ng kabuuang 985 points para ungusan ang St. Benilde, Perpetual Help, San Sebastian at Letran.
- Latest
