Phl ka-grupo ang US sa FIBA U-17 World Championship
MANILA, Philippines - Ang hindi nangyari sa Gilas Pilipinas ay naganap sa National U-17 team nang naka-grupo sila ng United States para sa FIBA Under-17 World ChamÂpionship na gagawin sa Al Ahli at Al Wasle Arena sa Dubai mula Agosto 8 hanggang 16.
Idinaos ang draw noong Huwebes at ang Pilipinas ay napabilang sa Group A kasama ang US, Greece at Angola.
May 16 bansa ang kaÂsali at ang Japan, France, Canada at Australia ay nasa Group B, ang Puerto Rico, host United Arab Emirates, Italy at Spain ay nasa Group C at ang Argentina, Serbia, China at Egypt ang nasa Group D.
Nakapasok ang Pilipinas sa World Championship nang pumangalawa sa FIBA-Asia U17 sa Tehran, Iran noong nakaraang taon.
Masaya naman si NaÂtional coach Jamike JaÂrin sa kinalagyan ng kanyang koponan dahil magkakaroon ang mga ipadadalang manlalaro ng tsansang makasukatan ang pinakamalakas na bansa sa basketball.
Ang US ang siyang two-time defending champion ng kompetisyon at ang mga manlalarong isasali ay itinuturing susunod na bigating manlalaro sa NBA.
Ang U17 team ang ikalawang koponan mula Pilipinas na nakapasok sa World championship. Ang isa pa ay ang Gilas Pilipinas na maglalaro sa FIBA World Cup sa Spain.
- Latest
