CEC, HSS milansang og daog sa Alaska-CYBL caging

CEBU, Philippines -  Milansang na sab og laing daog ang Cebu Eastern  College (CEC) ug Holy Spirit School (HSS) sa Tagbilaran City sa nagpadayong aksiyon sa Alaska Basketball Cup  Cebu 2014 niadtong weekend sa managlahing binyu.

 Gilubong sa CEC ang University of San Carlos (USC) Gold, 66-46 aron moposte'g 3-0 nga baraha sa Division 1 Under 13 age category didto sa USC-South  campus, samtang ang HSS   yano sab nga milubong sa University of San Jose-Recoletos (USJ-R), 47-28 didto sa Lux Oriens Gym sa Sacred Heart School-Ateneo de Cebu sa Brgy. Canduman campus sa dakbayan sa Mandaue.

 Ang USC Green walay kukaluoy nga nimasaker sa Don Bosco Technology Center (DBTC)-A sa iskor nga 80-29.

 Ang Sacred Heart School-Ateneo de Cebu (SHS-AdC)-B  mikulit sab og makabungog nga kadaugan batok sa SIPS-B, 51-27 sa Division 2 sa Under 16 age group. Ang USJR-B nakaipsot batok sa St. John Seminary-A, 43-40, ang Thumbs Up 2 mibuntog sa

St. John Seminary-B, 37-38 ug gilubong sa University of the Visayas (UV)-B ang CEC-B sa iskor nga 49-38.

 Ang ABCC 2014 usa ka hinugpong programa sa Alaska Milk ug sa  Cebu Youth Basketball League.