USJ-R Jaguars abante finals sa Sinulog Cup 2014
Gabby G. Malagar (The Philippine Star) - January 29, 2014 - 12:00am

CEBU, Philippines - Nasakmit sa University of San Jose-Recoletos  (USJ-R) Jaguars ang unang luna sa finals human sa ilang impresibong 82-72 nga kadaugan batok sa University of the

Visayas (UV) Green Lancers pinaagi sa overtime kagabii sa ikaduhang adlaw sa  Cebu City Mayor's Sinulog Cup Inter-Collegiate Basketball

Tournament didto sa Cebu Coliseum.

 Ning pagsuwat,  ang  Southwestern University (SWU) Cobras  nga adunay 1-0 nga baraha padayong nakigbatok sa University

of San Carlos (USC) Warriors alang sa ikaduhang luna sa finals.

 May 5.7 segundos na lang unta ang nahabiling oras sa regulasyon ug naglabaw ang USJ-R Jaguars og dos puntos, apan

nakakubit og foul si Rey Anthony Suerte gikan sa three-point area. Hinuon duha lang ka free throws ang iyang napasulod nga igo gyud

nakatabla sa  duwa,  67-all. Wala makahimo’g final attempt ang Jaguars sa paghuni sa final buzzer.

 Apan didto sa overtime, nagmangtas ang Jaguars ni coach Jun Noel diin ilang na-outscore ang UV Green Lancers, 15-5  ug

miabante sa finals sa ilang 2-0 nga baraha human sab sila modaog batok sa Warriors, 85-78  sa  opening game niadtong miaging adlaw.

 Si James Regalado maoy nangulo sa opensa sa Jaguars pinaagi sa iyang 24 puntos, samtang laing duha ka teammates ang

mikabkab sab og double figures.

 Si Wowie Escosio maoy nangu sa napildeng UV Green Lancers nga miburak og 12 puntos, gisundan nilang  Suerte ug Steve

Cedrick Akomo nga adunay 10 puntos matag usa.

 Sa laing bahin, ang SWU Cobras nagtangag og 1-0 nga baraha  human ilang gitukob ang higpit nilang karibal UV Green  Lancers

sa miaging gabii, 68-60. (BANAT NEWS)

CEBU CITY MAYOR CEBU COLISEUM CEDRICK AKOMO GREEN LANCERS JUN NOEL R JAGUARS REY ANTHONY SUERTE SAN CARLOS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with