Matapos o matabla ?
CEBU, Philippines - Atangan karon kun hingpit na bang moabante ang Petron Blaze Boosters sa finals sa PBA Governor’s Cup o mapugos sa Rain or Shine Elasto Painters ang serye ngadto sa usa ka ‘do-or-die’ Game-5 karong gabii.
Ang Petron may kahigayunan na unta nga momartsa ngadto sa finals sa Game-4 niadtong Sabado sa gabii, apan nadiskuhedo sila dihang midaog ang Rain or Shine aron lugwayan pa ang serye ug malikayan ang 3-0 sweep.
Human sa ilang 92-87 nga kadaugan, ang Rain or Shine ni coach Yeng Guiao naglaum nga subling mudaog karong alas-7 sa gabii didto sa Smart Araneta Coliseum nga maoy mutabla sa standing 2-2 nga moresulta sa usa ka ‘do-or-die’ game.
Ang Rain or Shine subling musandig sa paningkamot sa ilang import nga si Arizona Reid kinsa mihimo og double-double sa miaging duwa 25 points ug 15 ka rebounds. Atangan usab ang subling pagbuto sa opensa nila ni Smart Gilas members Jeff Chan ug Gabe Norwood.
Sa ilang bahin, bisan pa sa ilang kapildehan sa Game-4, ang Petron musuway pag-usab pagsira sa serye sa pagpangoulo nila ni import Elijah Millsap, Cebuano center Junemar Fajardo ug Alex Cabagnot. (BANATSPORTS)
- Latest
