2 ex-PSC chairman at iba pa kakasuhan ng PSC

MANILA, Philippines -   Dalawang dating chairman, ilang Commissioners at empleyado ang sasampahan ng kaso ng Philippine Sports Commission dahilan sa kabiguan ng mga ito na magsumite ng liquidation report ukol sa mga nakuhang cash advances.

“It was approved by the (PSC) Board and from the recommendation and noti­ces from COA (Commission on Audit) that PSC should file cases to past officers, past employees because of their unliquidated past cash advances,” wika kahapon ni Garcia.

Hindi ibinunyag ni PSC executive director Atty. Guillermo Iroy ang panga­lan ng mga nasabing sasampahan ng kaso ng sports agency.

Ngunit sinasabing ang dalawang dating PSC chairman na nasasangkot ay sina Eric Buhain at Butch Ramirez.

Ayon kay Garcia, obligasyon ng mga taong nakakuha ng cash advances sa komisyon na magsumite ng liquidation report.

“It is not a matter of choice, it is a matter of obligation,” sabi ni Garcia. “We are obligated to file these cases even to employees that have cash advances in small amount like in hundred pesos, thousand pesos and some are in the millions.”

“We have to file cases kasi kung hindi namin ga­gawin ‘yon kasama na kami sa susunod na kakasu­han dahil hindi namin ginawa ang trabaho namin,” dagdag pa nito.

Umaasa si Garcia na hindi magagalit sa kanya ang naturang mga kakasu­han ng PSC.

“I just hope that these people will not take it against me. Trabaho lang ito at ang suggestion ko is they settle their accounts as fast as they can before they can be serve warrants of arrest. But it will take a little time because it will be filed first in the Ombudsman,” ani Garcia.