Lady Bulldogs, Tigresses unahan sa 1-0 lead
MANILA, Philippines — Sasampa ulit sa UAAP Finals ang National University kaya iniisip ni Lady Bulldogs star player Bella Belen na mas magiging masipag at matiyaga sila ngayon na kanilang natutunan sa nakaraang season.
Nakatakdang magbanatan ang NU at University of Santo Tomas sa Game One ng kanilang best-of-three finals ng 86th UAAP women’s volleyball tournament sa Araneta Coliseum.
Magsisimula ang hatawan ngayong alas-4 ng hapon.
“Natutunan ko noong last two seasons is iyong pagtatrabaho at pagtiyaga kasi wala talagang makukuha sa madalian lang,” sabi ng Season 84 ROY-MVP na si Belen.
Ito ang ikatlong beses na sasampa sa UAAP Finals si Belen kaya naman pinaalalahanan nito ang kanyang mga kakampi sa mga natutunan sa nakarang championship games.
Napahirapan ang Lady Bulldogs bago sumampa sa championship round.
Talo sila Far Eastern University Lady Tamaraws sa semifinals mabuti na lamang at may tangan silang ‘twice-to-beat’ incentive.
Bumida si Belen sa ‘do-or-die’ game kontra FEU at naigiya sa panalo ang NU matapos irehistro ang 21 points mula sa 16 attacks at limang service aces bukod sa 14 digs.
Babanderahan ni Belen ag Lady Bulldogs, habang si Detdet Pepito ang gigiya sa Golden Tigresses.
- Latest
