Blue miposte sa ilang ikalimang daog sa CEKALCO

CEBU, Philippines -  Gipilde sa Blue Ice Dragon ang Pink Panthers, 87-71 alang sa ilang 5-2 nga baraha sa juniors division sa

CEKALCO 2013 Mayor Mike Rama Cup Inter-color basketball tournament niadtong Huwebes didto sa  A. Lopez open

court sa barangay Labangon, ning dakbayan.

 Sa sayo pa, ang Maroon midaog sab batok sa undermanned Green Lanterns sa iskor nga 79-73.

 Human mabiyai og tres puntos, 21-24, ang Blue mibawos sa second quarter pinaagi sa 28-14 nga rally sa

pagtimon nilang Cacharro ug Bimbo Purisima aron moabante og 11 puntos sa halftime, 49-38.

 Misuway og rally ang Pink sa final period, apan igo lang silang misikit kay ang Blue alisto man sab nga mipupo

og mga puntos.

 Si Cacharro mihimo sa iyang game-high 41 puntos aron pangulohan ang Blue, samtang si Purisima midugang og

12 puntos.

 Ang Pink gipangulohan ni Siboy Condrilon sa iyang 37 puntos, gisundan ni Ronald Escolar nga miamot og 20

puntos ug Nat Dolera nga adunay 16 puntos.

 Sa laing bahin,  silang Edward Romariz ug Rogen Rosales maoy nangu sa Maroons pinaagi sa ilang 18 puntos

matag usa, samtang si Tony Cocamas mitampo og 13 puntos.

 Ang Green gipangulohan nilang Opoy Escolar ug Glen Aro nga nagkumboya og 39 puntos.

PUNTOS MATAG USA

Unang duwa:

 MAROON (79) - Romariz 18, Rosales 18, Cocamas 13, Dacay 8, Baron 6, Jeffrey 6, Lindio 6, Alipaopao 4

 GREEN (73) - Escolar 24, Aro 15, Cabasan 12, Alegrado 6, Pasicaran 4, Desoyo 4, Godinez 4, T. Cacharro

4

Ikaduhang duwa:

 BLUE (87) - F. Cacharro 41, Purisima 12, Dolera 8, Parcon 8, Escolar 6, Besties 6, Chak 4, Baiño 2

 PINK (81) - Condrilon 37, R. Escolar 20, N. Dolera 16, Sarumitman 4, Alison 2, Batula 2 (BANAT NEWS)