Olkas misakmit sa ikaduhang daog sa Lou Ornopia Cup

CEBU, Philippines - Mikulit sa ikaduha nilang sunod-sunod nga daog ang team Olkas human maka-eskapo bitbit ang 78-76 nga

kadaugan batok sa Bagtic sa 1st Lou Ornopia Basketball Tournament didto sa Brgy.  Calambua open court sa San

Remigio, Cebu.

 Si Jei Dablo mirehistro og game-high 37 puntos alang sa Olkas diin 11 nakuha sa third period nga maoy

mihatag sa Olkas sa tres puntos nga labaw, 55-52 paingon ngadto sa final period.

 Sa laing duwa, nangayo pa og overtime ang Ilihan una nila madispatsar ang San Miguel 77-72.

  Ang usa ka buwan nga torneyo usa sa mga highlights sa   tinuig nga kapistahan sa ilang mahal nga patron  San

Vicente Ferrer sa  Abril 13.

  Ang kampiyon mobulsa og P10,000, samtang ang second  hangtod sa fourth placers makadawat og P7,000,

P5,000 ug P3,000.

Puntos matag usa

Unang duwa:

  Olkas (78) - Dablo 37, Jubay 14, Coligado 7, Demana 7, Jubay 6, Camos 6, Jubay 1

  Bagtic (76) - Pepito 20, Migabon 20, Pepito 18, Metoda 8, Canque 7, Aton 2

Ikaduhang duwa:

 Ilihan (77) - Moterola 17, Gualin 13, D. Prescillas 13, Hortelano 12, Rina 10, Neis 9, R. Prescillas 3

  San Miguel (72) - Argawanon 29, Pantalion 27, Montecalvo 8, Catadman 6, Cuer 2

=====

Ravens, Raphael's Sports Bar, 2-0 na

NI YOYO R. ABAYAN

 Temporaryong nagsawo sa liderato ang Ravens ug Raphael's Sports Bar sa nagpadayong aksiyon sa  Sunriser

Inter-Higala basketball tournament didto sa Visayan Glass gym sa barangay Guadalupe, ning siyudad.

 Ang Ravens naka-eskapo bitbit ang 62-60 nga kadaugan batok sa Sagbaf, samtang ang Raphael's Sports Bar

mipilde sa defending champion Autolab sa iskor nga 74-68.

 Sa kasamtangan, ang Ravens ug Raphael's Sports Bar maoy lider sa Bracket B sa managsamang 2-0 win-loss

records. Ang Autolab nagbitbit og 1-1 nga baraha, samtang ang Sagbaf nakatilaw sa ilang ikaduhang sunod-sunod nga

pilde.

 Gikontrolar sa Ravens halos tibuok duwa, apan ang Sagbaf uban sa ilang madasigong kakugi nakatabla sa

iskor, 60-all human matusak ang 3-point shot ni Vernz Limpangog.

 Ang duha ka free throws ni Marty Pearce maoy mikandado sa kadaugan sa Ravens.

 Gipangulohan ni Lawrence Agas ang Ravens pinaagi sa iyang 14 puntos, samtang si Sherwin Resilla mao usab

ang nangulo sa pilderong Sagbaf nga mikabya og 19 puntos. (BANAT NEWS)