Tapales pilde sa Mexico
Pakyas ang pambato sa Rex ‘Wakee’ Salud stable nga si Marlon Tapales sa pagsakmit sa WBC silver bantamweight title human siya napilde pinaagi sa majority decision ni David Sanchez didto sa Mexico.
Gihatag ni Tapales ang tanan niyang kusug, apan mas nakita sa mga hurado nga si Sanchez ang mipatigbabaw sa puntos sa maong away. (LPM)
Amonsot kampiyon sa Australia
Padayun nga nagmalampuson ang boxing career sa kanhi ALA boxer nga si Czar Amonsot kinsa misakmit sa Australian light welterweight title didto sa Victoria, Australia.
Ang lumad nga taga-Bohol nga si Amonsot mikulata ni Addisu Tebebu kinsa misurender sa sixth round. (LPM)
Rousey unang babayeng kampiyon
Mikulit og kasaysayan ang Amerikanang si Ronda Rousey human siya maoy nahimong labing unang Ultimate Fighting Championship (UFC) women’s champion kagahapon didto sa California.
Si Rousey mipilde sa round one sa iyang kaatbang nga si Liz Carmouche pinaagi sa armbar. (LPM)
- Latest
