Vizco naghari sa Paknaan open chess tourney
CEBU, Philippines - Naghari si Ceferino Vizco Jr. sa Paknaan Open Chess Tournament sa miaging adlaw didto sa barangay
Paknaan, dakbayan sa Mandaue.
Nagtabla sila si Vizco ug Jimson Bitoon nga adunay 6.0 puntos matag usa paghuman sa 7-round Swiss system
competition, apan si Vizco maoy miangkon sa korona pinaagi sa "superior tie-break output.
Gisugdan ni Vizco ang iyang kampanya sa usa ka daog batok ni Manuel Abucay. Nagtabla pa sila si Mark
Mangubat sa wala pa niya pildiha silang Marc Dion Alunan ug NM Arnold Cadiz.
Nagtabla sab sila si Merben Roque sa wala pa moposte og sunod-sunod nga daog batok nilang Kyle
Sevillano ug Joel Pacuribot.
Si Roque mitapos sa ikatulo sa maong kompetisyon nga gipaluyohan sa barangay council sa Paknaan ubos sa
liderato ni Brgy. Capt. Malaquias Soco.
Mikompleto sa top 10 sa maong kompetisyon nga gidumala nilang Kagawad Willy Semblante ug Eden Diano
mao sila si Kyle Sevillano, Venancio Loyola, Leonardo Alidani, Diego Claro, Anthony Makinano ug Joel Pacuribot nga
adunay 5.0 puntos matag usa ug NM Cadiz nga mihipos og 4.5 puntos. (BANAT NEWS)
- Latest
