Keiz BJ moto-x sa Paknaan
CEBU, Philippines - Mga katawhan sa barangay Paknaan ug kasilinganang dapit ang unang makasaksi sa Keiz BJ Motors and Phoenix Cyclomax Titan Invitational Motocross karong Domingo didto sa Paknaan racetrack, kilid sa Cansaga bridge sa Mandaue City.
Kini ang labing unang lumba sa Keiz BJ Motors ug sa Phoenix Cyclomax karong tuiga ug unang higayon nga gidala ang lumba sa Paknaan nga kabahin sa ilang tinuig nga kapistahan sa maong barangay.
Naglaum si Keiz BJ Motors big boss Siegfred Ornopia, kinsa usa sab ka champion rider ug award-winning sportsman nga ang mga riders gikan sa nagkalain-laing dapit ang mosalmot sa lumba nga gipaluyohan ni Ruel Maraño ug Brgy. Capt. Malaquias Soco ug sa Mandaue City officials.
Mapasalamaton usab si Ornopia ngadto ni Gene Chua, kinsa walay pagpanuko sa pagpagamit sa iyang halapad nga luna alang sa lumba nga suportado sab sa Haojue Phils. ug Edmund Pingkian.
Alang sa dugang mga pakisayod, mahimong mokontak ni Ruel Maraño sa 09176315267 ug mahimong motawag sa numero 09238290932.
- Latest
