Marquez mihimakak sa taho

Gibasura ni Mexican boxing superstar Juan Manuel Marquez ang taho nga gisugdan na ang negosasyon sa ilang fifth fight ni Manny Pacquiao kinsa iyang gipilde pinaagi sa sixth round knockout.

Si Marquez nagkanayon nga wala pa siya mihatag og hukom kun ipadayon paba niya iyang karera sa boxing human sa iyang kadaugan batok sa Filipino boxing superstar. (LPM)

Velasquez mi-ilog sa bakus

Milampos ang Mexican-American Mixed Martial Arts (MMA) superstar nga si Cain Velasquez sa pagsakmit sa Ultimate Fighte Championship (UFC) heavyweight title sa kamot ni Brazilian Junior Dos Santos kagahapon didto sa Las Vegas.

Si Velasquez midominar sa maong away diin giputos niya sa bun-og ang nawung ni Dos Santos kinsa nakahiagum sa labing una niyang pilde. (LPM)

Van Gundy usa sa gipilian sa Nets

Usa karon si Stan Van Gundy sa mga gipilian nga kuhaong head coach sa Brooklyn Nets human taktaka sa koponan ang ilang coach nga si Avery Johnson.

Si Van Gundy nakontrobersiyal niadtong miaging season diin nag-coach pa kini sa Orlando Magic og gikataho nga nakabingkil ni Dwight Howard. (LPM)

Guirado gitaktak sa koponan

Wa makauyon ang Salgaocar FC, usa ka koponan sa Indian football league sa performance ni Fil-Spanish striker Angel Guirado rasun nga ila kining gitang-tang sa koponan.

Tungod niini, lauman nga mas mahatagan na og ensaktong panahon ni Guirado ang iyang responsibilidad sa Philippine Azkals. (LPM)]