CCB-AME Transport miratsada sa CIPU basketball cagefest

CEBU, Philippines - Gilubong sa Canillas Customs Brokerage (CCB)-AME Transport ang Limasawa-Petracorta Customs Brokerage, 84-71 aron moabante sa semifinals sa 1st Cebu International Port Users (CIPU) basketball tournament niadtong Lunes didto sa Basak gym, ning dakbayan.

Sa sayo pa, nakarekober ang FYA-Martinez human mapandol niadtong Sabado dihang ilang gipakuratan ang  Cebu Basketball Mania Association (CEBAMA) sa  iskor   nga 77-70.

Ang kanhi UC Webmasters skipper nga si Kenneth Kern Sesante  maoy mibaswat sa CCB human siya modughit og 14 puntos samtang sila si Jim Villa ug Marvin Sillar midugang og 12 ug 10 puntos matag usa.

Ang Limasawa kinsa adunay 2-3 nga baraha, gipangulohan ni Takloy Moral nga adunay 19 puntos.

Sa laing bahin, si Tata Laborte mipabuto og 22 puntos, samtang laing tulo niya ka teammates ang miiskor sab og double figures alang sa FYA-Martinez nga mirehistro sa ikatulo nilang daog sud sa upat ka duwa.

Sayo untang gibiyaan sa CEBAMA ang FYA apan nalupig sila sa diskarte ilabi na kay wala makahuygo ang scorer nga si Noel Manulat ug wala sab makaduwa silang team co-owner Jury Garcia ug power forward Reden Villaronza.

Si Jaymar Elloren maoy nangu sa 3-2 nga CEBAMA sa iyang 21 puntos.

Puntos Matag Usa

Unang duwa:

FYA-Martinez (77) - Laborte 22, Abellana 17, Marata 11, N.Mdalle 10, B. Medalle 9, Bongon 4, Pacubas 3

CEBAMA (70) - Elloren 21, Tecson 12, Guardiano 8, Manulat 6, Oporto 5, Niones 5, Peras 4, Allerite 4, Gambe 2, Villaren 2, Garcia 1

Ikaduhang duwa:

CCB (84) - Sesante 14, Villa 12, Sillar 10, Largosa 11, Ebrado 8, Yap 8, Manlosa 7, Sigue 5, Belarmino 4

Limasawa (71) - Moral 19, Pangan 12, Cedeno 10, Sagario 8, Sagarino 8, Pepito 7, Apuya 3, Cena 2, Petracorta 2 (BANAT NEWS)