Lapu-Lapu Sports Club draft sa Agosto 24

CEBU, Philippines - Ang bag-ong natukod nga Lapu-Lapu Sports Club mopahigayon og drafting alang sa ilang 1st Lapu-Lapu Sports Club basketball tournament karong Biyernes sa alas-8 sa gabii didto sa Crown Regency basketball gym sa maong dakbayan.

Dose ka koponan ang mosalmot sa torneyo ug kini mao ang Rollway Customs Brokerage ni Rolly dela Pieza, Aries Lending ni Tito Franciso, Rulls Bakeshop ni Rupert Cañizar, AJY ni Allan Yu, ORYA ni Roger Ompad, Puyat Steel ni Niel Belga, Roro Trans ni Roilan Sumilang, Verlex ni Alex Dignos, Rey's Videoke ni Rey Toledo, Ballahozzics ni Noli Paquibot, Fuji Mart ni Dodong Aparente ug Lheo Autoshop ni Lheo Almacen.

Ang mga koponan buwagon ngadto sa duha ka grupo -- East ug West langkuban og 10 ka players matag team.

Ang torneyo mosubay og single round-robin format diin ang top 2 sa matag grupo maoy magsangka sa kampiyonato. Ang kampiyon sa East ug West maoy mag-abot sa conference finals.

Si sportsman-businessman Rolly dela Pieza maoy mangunay og hatag sa mga ganti ngadto sa mga mananaog.

Ang liga gipasiugdahan ni Billy Nadado uban sa mga advisers nga naglakip nilang Rolly dela Pieza, Alan Sepe, Alan Yu, Tito Francisco, Lheo Almacen ug Roilan Sumilang. (BANAT SPORTS)