MANILA, Philippines - Bibisita si Basketbol ng Pilipinas (SBP) executive director Sonny Barrios kasama ang British Embassy at mga opisyales ng Philippine Sports Association for the Differently Abled (Philspada) sa PSA Forum ngayong umaga sa Shakey’s U.N. Ave.
Makakasama ni Barrios ang tatlong players sa pangunguna ni Rashleigh Paolo Rivero, lumahok sa nakaraang Basketball Without Borders Asia, sa sesyon na isinasaere sa DZSR Sports Radio 918 at inihahandog ng Smart, Philippine Amusements and Gaming Corporation (PAGCOR) at Shakey’s.
Tatalakayin naman nina Charge d’affaires Trevor Lewis, head of strategic communications Colin Glen, press officer Lyn Plata at Philspada executives Michael Barredo at Butch Weber ang `I Can’ photo competition para ipagdiwang ang countdown sa London 2012 Paralympics.
Dadalo rin sa programa, ayon kay PSA president Rey Bancod ng Tempo, sina organizer Jimmy Lopa at race director Rick Rodriguez para sa `Ride for Cory’ event sa Agosto 3 sa Tarlac bilang pag-alala kay dating Pangulong Corazon Aquino.