^

Talagsaong kalampusan

TIRA BINTA - Edwin Ian Melecio () - October 16, 2011 - 12:00am

Pipila lamang ang mga personalidad ang matawag nato nga grabe kamalampuson sa kinabuhi tungod sa ilang pag-apil sa sports. Ang akong gipasabot mao ang mga atletang pokus gyud sa sports ug wala na gani makatiwas sa ilang pagtungha, apan nakab-ot gihapon nila kini sa kinaulahian ug sobra pa gani sa nakab-ot sa ubang adunay mga degree sa edukasyon.

Usa sa akong ehemplo si Congressman Manny Pacquiao, kinsa usa lang kaniadto ka yanong bata sa General Santos nga tungod sa kalisod nangita og paaging mabuhi ug milampos sa karerang iyang gipili, ang boksing.

Si Pacquio usa na karon ka Lieutenant Colonel sa Philippine Army Reserve, gikan sa pagka-sarhento nilayat siya karon sa pagka-Koronel.

Sa wala kaayo masayod sa teknikalidad kabahin niini, una niini ang usa ka reservist mao kadtong nakatiwas sa kompletong basic Reserve Officers Training Corps (ROTC) course. Mao ni ang atong gitawag nga Military Sciences gikan sa first year hangtud second year sa college.

Si Pacquiao tungod sa iyang pokus sa boksing wala man tuod nakatungha sa kolehiyo sa normal nga proseso, nakakuha kini og kursong political science kun wala ko masayop gipaagi kini sa ‘home-study,’ kanang di na niya kinahanglang moadto'g eskuylahan kada adlaw tungod sa iyang ka-busy and of course ma-afford naman niya.

Wala hinuon ibutyag kun apil ba niini ang ROTC course sa iyang ‘home-study’ sa Pol. Sci. Hinuon tungod sa kadaku sa dungog nga nahatag ni Pacquiao sa atong nasud tungod sa boksing mahimo gyud siyang mahatagan og ‘honorary’ title o ranggo sa Army Reserve. Mao seguro ‘to nga gihatagan siya og ranggo kaniadto nga sarhento.

Kining pagka-promote kaniya nga Lt. Col. sa Army Reserve ning bag-ohay lang bunga kini sa pagkahimo niyang usa ka elected official isip Kongresista sa Sarangani Province. Kun adunay mokuwestiyon niini, ambot unsang eksplinasyon pa ang ilang gipangita.

Kun educational attainment, nakahuman man siya og kurso sa kolehiyo. Ikaduha elected official siya ug labaw sa tanan, siya ra ang boksidor sa kasaysayan sa boksing nga nahimong eight weight division title champion.

Ang atong elected officials mahimong makabaton sa maong ranggo kun sila mo-active sa Army Reserve ilabi na niadtong mga tag-as nga elective post sama sa pagka-gobernador, kongresista, mayor, senador etc.

* * *

Dili pa dugay gihatagan og doctorate degree for sports si Pacquiao sa usa ka prestihiyosong unibersidad dinhi sa dakbayan sa Sugbu. Naapil siya sa listahan sa labing datu nga atleta sa sikat nga Forbes Magazine, nabansagang pound for pound king, ning bag-ohay lang, naapil siya sa Bloomberg Business Week Magazine 100 Most Powerful Athlete of 2011, ug uban pa.

Kini usa lamang ka sanglitanan kun unsa ka importante sa tawo ang ‘focus’ sa iyang direksyon sa kinabuhi bisan unsa pang linyaha imong gipili basta may pagsalig ka sa imong abilidad ug hugot ang imong pagtuo sa Diyos.

* * *

GREETINGS. Happy birthday today to Jepoy Montaño and belated happy birthday to uncle Willy Panal of USC and to Malou Inocando-Tabar of The Freeman, who celebrated yesterday.

* * *

PAGTULON-AN: Ang hinungdan sa atong kapakyasan mao ang pagpugos sa atong kaugalingon sa butang nga dili nato sinati.

* * *

bat69ph@yahoo.com

ARMY RESERVE BLOOMBERG BUSINESS WEEK MAGAZINE FORBES MAGAZINE GENERAL SANTOS JEPOY MONTA KUN PACQUIAO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with