CEBU, Philippines - Gipanglubong sa White team ug Sutike Yama Resto Bar ang tagsa-tagsa nilang kaatbang sa Phase 3 Camella Homes Sunday Club basketball tournament didto sa Villas Magallanes gym sa Lapu-Lapu City.
Ang White team nga gipangulohan ni Ondo Casquejo, kinsa mipabuto og 45 puntos, milubong sa Red sa iskor nga 118-87, samtang ang Sutike Yama ni team owner Rolly dela Pieza yano sab kaayong milubong sa Tubemakers, 91-68.
Laing upat ka players sa White team ang miduslit sab og double figures.
Si Alan Sepe maoy topscorer sa pilderong Red team nga miburak og 23 puntos. (BANATSPORTS)