Yellow, Green nagsawo sa liderato

CEBU, Philippines - Gipanglubong sa Bomber-Yellow ug Zic-Green ang ilang tagsa-tagsa ka karibal aron magsawo sa liderato sa Los Amigos Basketball Association (LABA) 2010 Christmas League diha

sa Banilad SportsComplex. Ang Yellow mipukan sa Joules-White, 113-85 diin unom sa ilang players ang mi-iskor og double figures nga gipangulohan ni Dennis Rabanal sa iyang 25 puntos.

Sila si Al Yamomo, Cris Ubas ug Gilbert Sebandal nagkumboya og 42 puntos alang sa Yellow nga miinat sa ilang win-loss record ngadto sa 3-1, samtang ang White nagbitbit og 2-2 nga baraha.

Sa laing duwa, gidemolis sab sa Green ang walay daug-daog nga Blue Magic sa iskor nga 108-74 uban ni Richard Madrid nga milansang og 25 puntos. Ang Green nagtangag og 3-1 win-loss record, samtang ang Blue Magic    nga gipangulohan ni ex-UV Lancer Butong Unabia pinaagi sa iyang 14 puntos, pabiling walay daog sud sa upat ka duwa.

PUNTOS MATAG USA

Unang duwa:

Bombers-Yellow (113) - Rabanal 25, Yamomo 16, Ting 16, Ubas 15, Sebandal 11, Abayon 10, Jordan 8, Cortes 7, Branzuela 6, Mauro 2

Joules-White (85) - Ponce 19, Lagaras 18, Rizane 16, C. Perolino 10, Perolino 10, Yncierto 4, Mijares 4, Bohol 3

Ikaduhang duwa:

Zic-Green (108) - Madrid 25, Colis 16, Quiñahan 15, Recto 12, Policiios 8, Maratas 6, Sanchez 6, Carol 6, Ceniza 4, Cane 4, Ople 2, Pestaño 2

Blue Magic (74) - Unabia 14, Son 12, Garso 8, Pilosan 7, Mengane 5, Bellagantol 5, Cabahug 5, Chavez 2, Duhaylungsod 2, Codera 1  (BANAT NEWS)