CEBU, Philippines - Gipanamastamasan sa Rollway Freighters ni team owner Rolly dela Pieza ang team Ylaya, 84-75 aron maangkon sa hingpit ang katapusang luna sa finals sa Open C division sa 2010 Lapu-Lapu City Fiesta basketball tournament diha sa Lapu-Lapu Gym.
Nagsalig ang Rollway Freighters sa talagsaong labok nilang Adonis Morata, Allen Tarona ug Luther Justiniani nga pulos mipupo og double figures.
Si Morata mikayod og 20 puntos, si Tarona mipaksit og 17, samtang si Justiniani miugkat og 13 alang sa Rollway Freighters nga wala na molingi human miposte og 22-19 sa first period.
Ang pilderong Ylaya gipangulohan ni Espinosa, kinsa mibagdok og 21 puntos.
Puntos Matag Usa
ROLLWAY (84) - Morata 20, Tarona 17, Justiniani 13, Amistad 9, Resilla 8, Amores 6, Berido 5, Augusto 4
YLAYA (75) - Espinosa 21, Abad 16, Daño 12, Espinosa 6, Lapiz 5, Inso 4, Inso 4 (BANATNEWS)