CEBU, Philippines - Gidemolis sa Lite Shipping ug sa Cebu Movers System (CMS) ang tagsa-tagsa nilang kaatbang aron maoy magtakus sa "best-of-three" finals sa Lucio 'Guy' Lim Sr. Memorial basketball tournament diha sa City Sports Club-Cebu gym sa Cebu Business Park.
Ang Lite Shipping kinsa mitapos sa elimination isip no. 1, milubong sa ikaduhang higayon sa FAL Shipping, 81-52, samtang ang second-ranked CMS ni playing coach Dr. Boy Te milubong sab sa Aisle Marine Services, 86-68.
Ang Game-1 duwaon karong Domingo sa mao gihapon nga binyu.
Gawas lang sa ilang 7-10 nga biya pagsugod sa duwa, kanunay naglabaw ang Lite Shipping ni team owner Niño Imboy ug milabaw pa kini og 28 puntos human sa third period pinaagi sa buzzer-beater jumper ni Eming Batarilan, kinsa mi-iskor og 18 puntos.
Hinuon, si Allan Cabral maoy nangu sa Lite Shipping sa iyang 32 puntos aron inaton ang ilang winning streak ngadto sa unom ka daog.
Sa laing bahin, si Frenco Te mipabuto og 22 puntos alang sa CM, samtang sila si Vincent Reyes ug Juanito Sasing nagkumboya og 36 puntos.
Puntos Matag Usa
Unang duwa:
Lite Shipping (81) - Cabral 32, Batarilan 18, N. Imboy 5, Sinoy 4, Iway 4, Banados 4, Cabanas 4, Pingkian 4, J. Imboy 3, Sepe 3
FAL Shipping (52) - Borja 10, Madrelino 10, Tumulak 10, Tubli 5, Claret 5, Molina 4,Chan 4, N. Tumulak 1, Mondejar 1
Ikaduhang duwa:
CMS (86) - F. Te 22, Reyes 20, Sasing 16, Ocampo 12, B. Te 6, Amoroto 4, Capapas 2
Aisle Marine (68) - W. Ogue 18, Manigque 16, Baguio 14, Econas 6, Sencil 5, Gimena 3, Trinidad 2, N. Ogue 2, Ledesma 2 (BANATNEWS)