CEBU, Philippines - Isip kabahin sa ilang lakang aron makamugna og mga world-class fight, dili lang sa ilang mga boksidor, apan lakip sa ubang boxing stables, ang ALA Boxing Promotions mao na ang magsilbeng promoter sa Mindanao-based boxers sa Braveheart stable.
Gikan nila ni former two-time world champion Katsunari Takayama sa Japan, world title contenders nga sila si Florante Condes ug Jimrex Jaca, mapun-an na usab og mga boksidor nga moaway ubos sa ALA Promotions.
Sa usa ka breakfast meeting nga gipahigayon didto sa Casino Español de Cebu, sila si ALA Promotions chairman Antonio Aldeguer ug ALA Promotions president Michael Aldeguer nakigkita ni kanhi North Cotabato governor Manny Piñol, ang manager sa Braveheart stable aron plansahon ang panag-alayon sa ilang puwersa.
Si Piñol mipadayag sa iyang pagmaya sa pakig-usa kanila sa labing dakung boxing promotional nga nagbasi dinhi sa Sugbu.
"I see ALA Promotions as the biggest and most capable promotional outfit in the Philippines comparable to Zanfer Promotions of Mexico," matud pa ni Piñol.
Malaumon usab si Michael Aldeguer nga daku og matabang ang mga Braveheart boxers sa pagtuman sa ilang damgo nga himuon ang Pilipinas isip boxing capital sa kalibotan. – BANAT NEWS