CEBU, Philippines - Ang PAREF-Springdale School maoy midominar sa 12-under category sa 2nd BTC Cup pinaagi sa pagharos sa ilang upat ka duwa niadtong weekend diha sa Banilad Town Centre (BTC).
Ang Springdale-A mipatigbabaw batok sa ilang karibal Sacred Heart School-Ateneo de Cebu (SHS-Ateneo), Cebu Cherish School (CCS), Don Bosco Technology Center (DBTC) ug ilang igsuong koponan Springdale-B niadtong Sabado ug Domingo.
Si Joseph Jaime Sainz maoy dakung papel nga gidala pagdaog sa tanan nilang mga duwa. Ilang gilupig ang SHS-Ateneo-A, 6-4.
Si Sainz mibubo'g katunga nga nakuha sa iyang koponan sa ilang pagmasaker sa CCS-1, 12-2 ug milabyog og 11 puntos sa ilang pagpulbos sa DBTC, 13-8.
Si Ivan Gregory Tan maoy nangulo sa SBC Forum sa ilang pagpukan sa SHS-Ateneo B, 8-1 diin siya mi-iskor og sayes puntos.
Sila si Tann ug Ram Denzylle Pepito mi-iskor og tag-tres puntos sa ilang kadaugan batok sa Philippine Christian Gospel School (PCGS) squad, 6-4.
Ang 2nd BTC Cup gipaluyohan sa Dimsum Break, Thirsty Juices and Shakes, Nike Athletic Club, Robinson's Supermarket, Cherifer "Tangkad Sagad" growth vitamins ug Nature's Spring. – BANAT NEWS