Assessment Division, C-CUPA magtinaktakay ugma

CEBU, Philippines - Magtakus ugma ang Assessment Division ni team manager Rady Abarintos ug ang Cebu-Customs United Personeros Association (C-CUPA) sa ilang krusyal nga duwa sa elimination round sa Bureau of Customs 1st Port of Cebu Sportsfest karong Abril 6 diha sa Benedicto College gym sa Banilad, Mandaue City.

Ang modaog maoy mo-abante sa sunod round ug motipon sa bracket-A nga gipangunahan sa Mactan Hotmen. Laing team nga pabiling buhi sa sunod round mao ang MJDL Brokers ni team owner Mike Logarta ug ang CCBI. Ang duha nga parehong adunay 1-1 nga rekord magbinuk-anay sa baraha ug ang modaog moabante sa sunod hugna uban sa CIIS ni Dione Edera sa bracket-C.

Ang Canillas-Gonzales Brokers miabante sab sa sunod hugna.    (BANATNEWS)