CEBU, Philippines - Bugtong ang Warriors maoy mipahamtang sa labing unang kapildihan sa Hoopers pinaagi sa paglubong, 64-41 paghuman sa semifinal round sa Philippine Institute of Certified Public Accountants (PICPA) diha sa YMCA gym.
Ang Warriors milabaw lang og uno punto, 20-19 sa first period, apan kalit lang naghuramentado ug wala na kapugngi ang ilang pagmangtas aron mo-iskor og 23 puntos nga kadaugan.
Lima lang ka players sa Hoopers ang niduwa hinungdan nga wala kini makasugakod sa bangis nga Warriors.
Sa maong kapildihan, ang Hoopers moagi una og knockout game batok sa Wildcats sa sunod semana bisan og ilang giharos ang elimination round.
Si Ian Cadampog maoy topscorer sa Warriors pinaagi sa iyang 15 puntos, gisundan ni Jude Seares nga adunay 14 puntos. Ang pilderong Hoopers gipangulohan ni Jeremy Makinano, kinsa miposa og 17 puntos.
Puntos Matag Usa
Warriors (64) - Cadampog 15, Seares 14, Patatag 10, Ocupe 8, Vivares 6, Lim 5, Destriza 4, Sevilla 2
Hoopers (41) - J. Makinano 15, Te 10, Meso 7, Makinano 6, Yu 3. – BANAT NEWS