MANILA, Philippines - Sa pagbibida ni Kelly Williams, bumangon ang Sta. Lucia Realty mula sa dalawang sunod na talo matapos igupo ang kulelat na Coca-Cola, 98-88 sa pag-usad ng KFC PBA Philippine Cup na dumako sa Ynares Center sa Antipolo kagabi.
Lumayo ang Realtors ng hanggang 14-puntos sa ikaapat na quarter, 85-71 matapos ang 11-2 run na sinelyuhan ng basket ni Kelly Williams, 7:11 minuto na lamang ang nalalabing oras sa laro na hindi na natibag pa ng Coke.
Sumulong ang Realtors, pinangunahan ni Williams na tumapos ng 23-puntos at humakot ng 17 rebounds sa 6-5 win-loss slate habang lalong nabaon ang kulelat na Coca-Cola na lumasap ng ikawalong sunod na talo bunga ng 1-11 kartada.
Sa unang laro, hindi naman pinagbigyan ng Barako Bull ang guest team Smart Gilas sa kanilang no bearing game, 96-91.
Habang sinusulat ang balitang ito, naglalaban ang defending champion Talk N Text (7-4) at Burger King (4-7) bilang main gamekagabi.
Sta.Lucia 98--Williams 23, Urbiztondo 22, Yeo 14, Daa 11, Omolon 9, Aquino 6, Waters 4, Misolas 4, Reyes 3, Mendoza 2, Pacana 0.
Coke 92-- Cabagnot 15, Rizada 13, Macapagal 13, Espino 12, Calimag 8, Taulava 8, Cruz 7, Gonzales W. 6, Gonzales N. 4, Rodriguez 3, Bono 3.
Quarterscores: 24-24, 49-45, 72-65, 98-92.