Roble Shipping milubong sa Vic Enterprises

CEBU, Philippines - Gilubong sa Roble Shipping ni businessman George Uy ang Vic Enterprises ni Jerome Uy, 118-96 aron pagharos sa unang hugna sa Sunriser and Powerball Friendship Cup 2009 basketball tournament didto sa CEC gym.

Si George Uy miburak og 13 puntos ug milansang og tulo ka three-point shots aron tabangan ang Roble Shipping pag-iskor og 22 nga kadaugan.

Ang triggerman nga si Jingjing Rama mihimo’g 12 ka assists alang sa Roble Shipping gawas sa iyang naamot nga 11 puntos.

Apan si Ruel Sestoso maoy nangulo sa Roble Shipping pinaagi sa iyang 34 puntos diin 20 gikan sa fourth period.

Ang beteranong forward nga si Boy Maranga ug si Sonny Mengana nagkumboya og 43 puntos, apan nakawang lang ang ilang mga paningkamot kay ang   Vic Enterprises nakatilaw sa ilang ikaduhang sunod-sunod nga kapildihan.

 Sa laing duwa, si Paul Quiñanola maoy nangu sa Unilink Shipping sa ilang pagpukan sa Powerball sa iskor nga 99-93 alang sa ilang ikaduhang daog sulod sa tulo ka duwa.

Si Bandoy Anadon maoy nangulo sa Unilink sa iyang 21 puntos, samtang si Louie Navarro miabuno og 16 puntos. Sila si Danrey Baclay ug Panis Gerali mitampo og 11 puntos matag usa.

Ang Powerball gipangulohan ni Vergel Fuentes kinsa mihipos og 27 puntos, gisundan ni Cris Cabaluna sa iyang 17 puntos.

Puntos Matag Usa

Unang duwa:

Roble Shipping (118) -Sestoso 34, Carpio 19, Uy 13, Abellon 12, Rama 11, Lim 9, Gabatan 6, Maquilan 5, Aberia 4, Aballe 2, Cenabre 2

Vic Enterprises (96) - B. Mranga 25, Mengana 18, Pañares 13, Budiongan 10, Ho 10, Bullo 8, Uy 7, D. Maranga 5

Ikaduhang duwa:

Unilink (98) - Anadon 21, Navarro 16, Gerali 11, Baclay 11, Adarna 9, Kwan 7, Seno 7, Tabasa 6, Quiñanola 6, Garcia 3, Petallar 2

Powerball (93) - Fuentes 27, Carhuana 17, Luces 15, Mendoza 12, Estorba 7, Cuetarra 6, Lausa 5, Malinao 4, Seno 2. – BANAT NEWS