MANILA, Philippines - Pinamunuan ni National junior champion at WPA world junior runner-up Jericho Bañares ang parada ng mga nagwagi sa unang yugto ng 2009 Billiard Stars Search sa Star Billiards Center.
Tinalo ng 19 anyos na si Bañares si Elmer Kalaquian, 9-6 sa kapana-panabik na finals. Tinapos ni Bañares ang torneo ng malinis ang baraha makaraang daigin sina Leonardo Didal, 8-2, Luis Saberdo, 8-7, Anjobert Huelgas, 8-7, Albert Espinosa, 8-7 at Alex Nobleza, 8-6.
Nakapasok din sa finals si Kalaquian nang walang talo. Tinalo niya sina Al Ortega (8-5), Ro-land Garcia (8-5), Elvis Calasang (8-3), Macmac Leyba (8-5), at Luis Saberdo (8-2).
Pangatlo naman si Didal at ikaapat si Saberdo sa Division A competition.