Cebu - Bisan paman sa dakong biya niya sa timbang ug gitas-on ang legendary boxing icon Evander Holyfield andam nang makigbinakbakay sa WBA heavyweight titlist Nikolai Valuev karong adlawa didto sa Grand Casino sa Baden, Switzerland.
Atol sa weigh-in kagahapon sa susamang venue, ang five-time world heavyweight champion nga si Holyfield nitimbang og 97.2 kg, samtang ang higanteng Russian nga si Valuev nitimbang og 141 kg.
Sa nasayran nga ang maong away nila ni Holyfield ug Valuev gitawag nga usa ka one sided nga away tungod sa dakung pabor nga gihuptan sa Russian, apan sa iyang bahin si Holyfield nagkanayon nga wala niya giisip nga imposible ang pagpukan ni Valuev.
“Yeah, he’s bigger and heavier than me, but a fight is a fight,” matud pa ni Holyfield.
Ang 46-anyos nga si Holyfield nahimong usa sa mga banggiitang boksidor sa heavyweight division dihang gipilde niini sila si James Douglas, Riddick Bowe, ang kampiyon nga si Lenox Lewis ug ang gikahadlokang si Mike Tyson.
Sa iyang bahin, si Valuev kinsa kausa palang nakasinati og kapildehan sa 51 niini ka away, sayun ra kaayong nipukan ni Joh Ruiz aron mailog ang WBA belt.
Sa ilang bahin, ang managsuong Klitschko nipadayag usab nga andam silang mo-away sa kung kinsa man ang mugawas nga mananaug ugmang adlawa.
Sa nasayran nga ang managsuong Vladimir ug Witali Klitschko mao karon ang nagkupot sa laing upat ka heavyweight belt. - Lemuel P. Maglinte (BANAT NEWS)