3rd UAP Badminton Cup buksan karon sa Racquet Zone
Dul-an sa 70 ka lisensiyadong arkitekto ug sa ilang tagsa-tagsa ka dinapit sa Sugbu ug sa silinganang probinsiya ang mag-abot karong adlawa alang sa 3rd United Architects’ of the Philippines (UAP) Badminton Cup diha sa Racquet Zone sa Montebello Villa Hotel sa barangay Apas, ning siyudad.
Giawhag ni tournament organizer Archt. Alan G. Choachuy sa Big Al’s Production ang tanang partisipante sa pagtunga og sayo sa binyu kay sugdan gyud ang kompetisyon ontop alas-8:00 sa buntag. Adunay libreng jersey ug lunch ang ihatag sa tanang mga magduduwa.
Gipasiugdahan sa UAP Lapu-Lapu Chapter ubos sa liderato ni Lawrence ‘Lord’ Young ug Chistopher Dy sa kooperasyon sa Boysen, DuraBEND ug Jo’s Chicken Inato, ang usa ka adlaw nga kompetisyon naglatid og men’s, mixed ug women’s doubles.
Hinuon, bukas lamang kini niadtong level D ug E players.
Sama sa miaging tuig, adunay special category alang sa Cebu Sports Media Association (CSMA) members.
Ang current ug former national team members, active varsity ug level A, B ug C players dili mahimong moapil sa maong kompetisyon nga gipresentar usab sa Hardiflex, Hardiflex Senepa, Hardiplan, Filmon Hardware, Inc., Andorra Tile Roofings Inc., Republic Powder Coat, American Seamless Gutter, Worldwide Interiors, Value Builders, Graphic Star/Solfex/Sparko Coatings ug Armour Wood.
Ang mga partisipante moduwa lang og single round robin format diin ang matag pares moduwa og dili momenos duha ka duwa.
Ang matag level gibahin ngadto sa duha ka grupo, depende sa gidaghanon sa entries. Ang nag-unang duha ka paresan moabante sa crossover semis, diin ang mga mananaog magsangka alang sa kampiyonato.
Gawas sa tropeyo, ang kampiyon sa matag levels makadawat og P3 mil matag
Lain pang highlight sa tinuig nga kompetisyon mao ang photo contest diin ang top three winners modawat og P3,000, P2,000 ug P1,000 matag
- Latest
- Trending
