Grand reunion sa M. Lhuillier ballclub

Ang tanang players nga nakasul-ot sa uniporme sa M. Lhuillier Kwarta Padala molantaw og balik sa mabulokon nilang kagahapon ug ingon man mopalab-as sa maanindot nilang kaagi gumikan kay mopahigayon sila og grand reunion sa labing unang higayon sukad nahimugso ang maong team 20 ka tuig na ang milabay.

Gipasiugdahan ni multi-titled M. Lhuillier coach ug Cebu City Councilor Raul 'Yayoy' D. Alcoseba, ang mahinungdanong kalihukan gikatakda karong Enero 19 diha sa Yayoy's Grill and Resto Bar sa Orchid Street, Brgy. Capitol Site ning dakbayan.

"The players hold the best memories of what it was like to play with M. Lhuillier that in one way or another helped them mold what they are today," matud pa ni Alcoseba. "This is the foremost reason why I've decided to hold this reunion of M. Lhuillier players for the first time since the team was formed in 1986."

Gumikan niini, giawhag ni Alcoseba ang tanang hingtungdan pagtambong ning maong kalihukan nga segurado mapatik sa ilang dughan ug galamhan.

Sagad sa mga bitoon nga nakaduwa uban sa M. Lhuillier misikat sa PBA hangtud nga misulbong sila isip usa sa mga tinamod nga coaches sa lokal nga liga karon.

Naglangkob sa mga prominenteng basketbolista nga nakaduwa sa M. Lhuillier mao sila si Elmer "Boy" Cabahug, Al Solis, Jay Ramirez, Jojo Lastimosa, Samboy Lim, Dondon Ampalayo, Harmon Codiñera, Peter Aguilar, Jun Tan, Art de la Cruz, Ato Navarro, Anthony Mendoza, Peter Jao, Michael Orquillas, Peter Naron, Jun Cabanca, Pablo Yu, Bong Marata ug Lou Regidor.

"This maybe a small affair, but big in terms of importance. This is a once-in-a lifetime experience for all those who have played with M. Lhuillier to recall their shining moments when they were still basketball stars and rekindle their stirring feats in the past," asoy pa ni Alcoseba.

Kadtong interesado nga mo-apil sa maong makasaysayanong aktibidades mahimong motawag sa opisina ni konsehal Alcoseba sa telepono (032)255-8873 o 0917-3296264 ug pangitaa si Erwin o dili ba e-mail sa [email protected] alang sa dugang mga detalye.