Naging tinik sa lala-munan ng Barakos si import Chris Burgess, tumapos ng 34-puntos at 25 rebounds, hanggang sa huling maiinit na segundo ng labanan kung saan nasiguro lamang ng Red Bull ang kanilang tagumpay nang maipa-sok ni Enrico Villanueva ang huli sa dalawang freethrows na biyaya ng foul ni Nick Belasco para sa final score, 3.2 segun-do na lamang.
May 3:17 minuto pa ang natitirang oras sa ikatlong quarter nang ma-thrown-out si Guiao dahil hindi tinawagan ng foul ang San Miguel import na si Burgess laban kay Enrico Villanueva sanhi ng kanyang dala-wang sunod na technical fouls.
Dahil dito, nagkaroon ng pagkakataon ang Beermen na makahabol matapos mabaon ng 11-puntos sa first half at naa-gaw nila ang kalamangan sa 88-87 mula sa lay-up ni Burgess, 57.9 segundo na lamang ang nalalabi.
Dito nasubukan ang coaching ability ni Abanilla na sumandal kina Dalron Johnson at Cyrus Baguio na naging susi sa open-siba ng Barakos sa ikaapat na quarter na naging daan para saluhan ng Red Bull sa 2-1 panalo-talo ang Danny Ildefonso-less na SMBeer na luma-sap ng unang kabiguan matapos mamayani sa unang dalawang asigna-tura.