Robin, dili na modagan karong 2028

CEBU, Philippines — Gipahibalo ni Sen. Robin Padilla nga wala na siyay plano nga modagan pag-usab sa bisan unsang posisyon  sa 2028 elections, ug magpokus na sa iyang pamilya .

Sa iyang Facebook post, matud sa Senador  nga gagmay pa ang iyang mga anak ug gusto niya nga makabaton og malinawon nga kinabuhi.

“Wala na po akong planong tumakbo sa pulitika. Maliliit pa ang aking mga anak, at isang tahimik na buhay-Islami ang aking pinapangarap at minimithi,” matud niya.

Gipasalamatan usab niya ang mga higala nga nag-awhag kaniya nga magpadayon sa politika.

Apan gitataw sa Senador  nga  wala siya nahaom sa maong butang .

“Hala naman po na hindi ako nababagay sa mundong ito,” niya pa.

Sofia ug Iñigo magpares sa Barangay Love Stories

Bida sila Sofia Pablo ug Iñigo Jose sa sakit  nga istorya sa gugma, pagsalig ug pagbudhi sa labing bag -ong episode sa “Barangay Love Stories” karong adlawa  sa GMA Network.

Si Sofia ang modala sa karakter ni Ella samtang si Iñigo mao si Mico, uban si Angelica Hart isip Chloe. Ang istorya nagtuyok sa mag-uyab nga sila Ella ug Mico nga nagtuo nga madala nila  ang ilang relasyon bisan layo sila sa usa’g usa.

Apan nabag-o ang tanan sa pagbalik sa ilang higala sukad pagkabata nga si Chloe gikan sa Estados Unidos. Samtang nagkasuod sila Chloe ug Mico, nagsugod og kabalaka si Ella.

Ang  emosyonal nga episode sa programa  ni Papa Dudut nga Barangay Love Stories”  kay  makita  karong alas-4 sa hapon sa GMA Network.