Direk Carlo Caparas mipanaw

CEBU, Philippines — Nipanaw na ang writer-director nga si Carlo J. Caparas ug gikumpirmar kini sa iyang pamilya niadtong Sabado sa gabii. "Salamat Direk Carlo J. sa mga dibuho at istorya. Mga istoryang nabuo sa bawat tipa ng iyong makinilya," tipik sa social media post sa iyang anak nga si Peach.

Dugang pa ni Peach nga dili gyud malimtan sa kadaghanan ang ka maayo sa iyang amahan.

"Dad, you will forever be loved, cherished, and honored…by all of us," niya pa.

Sa pagsulat niining balitaa, wala pa gibutyag ang rason sa kamatayon ni Carlo.

Nailhan si Carlo sa pagmugna sa mga karakter sa Filipino superheroes nga sama sa  Panday, Totoy Bato, Bakekang, Gagambino, ug Elias Paniki. Siya usab ang direktor sa “The Vizconde Massacre,” niadtong 1993.