Kim gitupo kang Atty. Oliver

CEBU, Philippines — Nahugyaw sa niaging adlaw  ang viewers sa  noontime show nga   "It’s Showtime" sa presenya sa "sporty lawyer ng Cebu" nga si  Atty. Oliver Moeller ug wala kini kaipsot sa mga sungog ni  Vice Ganda.

Komedya pa ni Vice nga posibleng nibisita ang abogado sa usa sa mga host sa It’s Showtime nga  si Kim Chiu.

Sa interview sa ABS-CBN News ngadto kang  Oliver, gipangutana kini kun nanguyab ba siya kang  Kim.

Nitubag ang Sugbuanon nga abogado og  , “I don’t think it’s fair that I speak about that without Kim’s permission.So, I’m so sorry. I hope you understand. But Kim is pretty nice.”

Aminado si Oliver nga giguwapahan na siya daan ni Kim bisan paman sa panahon nga wala pa siya katungtong sa  “EXpecially For You” segment.

Angel-Neil breakup issue gihimakak ni Dimples

Hugtanong gihimakak ni  Dimples Romana ang niulbo nga taho nga matud pa nagbuwag ang magtiayong  Angel Locsin ug  Neil Arce.

Matud pa ni Dimples nga malipayon kaayo ang iyang higala nga si Angel sa kinabuhing minyo busa nahibulong siya kun nganong nitumaw ang maong isyu.

 “I get to see her naman, she's very, very happy and happily married, and Neil is taking very good care of her,” saysay pa ni Dimples ngadto sa ABS-CBN News.

Matud pa niya nga dili dayon hukman ang magtiayon bisan paman nga  dili kini visible sa social media.

"The thing is, people are so involved with social media that we think if we don't see married people posting online together, parang hiwalay na sila!No po! Hindi ibig sabihin wala sa social media doesn't mean it's not happening,”  dugang pa sa aktres. 

“A Journey”, No.1 sa Netflix

Kasamtangang nahimutang sa No.1 spot sa Top 10 Movies sa Netflix  ang  pelikulang “A Journey”  nga gibidahan nila ni   Patrick Garcia, Kaye Abad, ug  Paolo Contis.

Kahinumdoman nga ang  pelikula nila ni Dingdong Dantes  ug Marian Rivera nga “Rewind” maoy nakahupot sa maong spot sa niaging mga adlaw. Ang pelikulang “A Journey”    kay nag-trending sa social media human nakadawat kini og mga positibong feedback.

Ruru  gipatilaw dayon sa ngabil ni Angeli

Sa pagsulod ni Angeli Khang sa teleseryeng “Black Rider”, nakabaton dayon sila og   kissing scene ni Ruru Madrid  .

Aminado si Ruru  nga nakugang gyud siya gumikan kay gisugat dayon siya sa maong klase nga eksena. 

“Awkward kasi siyempre first time naming mag-meet today .Pagdating ko sa set, walang signal dahil nasa Tanay kami, pag-check ko, ‘Totoo nga, may kissing scene nga, at kanino?’ ‘Kay Miss Angeli Khang’ Medyo nagulat ako na meron na agad ganu’ng eksena,” saysay pa sa aktor ngadto sa GMA News.

Nahimout pag-ayo si Angeli gumikan kay wala sila  nag-agi og bonding ni Ruru  ug  deretso dayon sa kissing scene. "Sabi nga namin, ‘Wala man lang bonding? Ito na ang bonding natin, kiss na agad.’Para sa mga viewers, trabaho lang po,” matud pa ni Angeli .

Gani wala dayon maistoryahi  ni  Ruru ang iyang  girlfriend nga si Bianca Umali  kalabot sa maong eksena gumikan kay walay signal sa lokasyon sa ilang taping apan segurado siya nga nakasabot ra kini.

“Kami ang usapan namin, pagdating sa mga ganiyang bagay, wala naman kaming pigilan. Hindi naman namin pinapakialaman ang trabaho ng isa’t isa. Kumbaga sa aming dalawa ni Bianca, dapat lang maging transparent kami kapag may mga ganiyang eksena,” pagpasabot ni  Ruru.

Kathryn gidiskartehan ni Donny

Niulbo ang chika nga  dunay mga panahon nga nisuway og diskarte si Donny Pangilinan ngadto kang Kathryn Bernardo.

Mao kini ang nasagap nga taho  ni Ogie Diaz  apan wala siya’y  ideya kun nganong wala mosaler ang pagdiskarte ni Donny ngadto kang Kathryn. ’Yung rason kung bakit naudlot, hindi ko alam. Baka naman nai-stop na talaga kasi nga wala rin namang magandang patutunguhan,” saysay pa ni  Ogie.

Kapamilya gihapon

Magpabilin gihapon sa ABS-CBN ang beteranong singer nga si  Gary Valenciano . Nipirma og kontrata si Gary  sa Star Magic niadtong Martes. Nitambong sa contract signing sila si Star Magic head Laurenti Dyogi, ABS-CBN COO for Broadcast Cory Vidanes, Star Magic manager Alan Real  ug ang asawa ni Gary nga si   Angeli Pangilinan. Sa wala pa nagpinirmahay og kontrata , gihangop si Gary nila ni ABS-CBN chairman Mark Lopez ug  ABS-CBN president and CEO Carlo Katigbak .

Echo ginganlan og bampera

Gipistahan og maayo sa social media followers ni Jericho Rosales ang gi-post sa aktor sa Instagram kun diin gi-flex niini ang pagtikang sa usa ka resort ug gipakita ang nindot nga pamorma sa lawas niini.Ang kasagaran nga reaksyon sa iyang followers kay nagkanayon nga wala gyud matiguwang ang hitsura sa aktor. Nikomedya ang iyang followers nga susama og bampera ang ilang idolo gumikan sa kabata  sa dagway kini.

Kuya Vivamax

Aminado ang  singer-actor nga si Yuki Sakamoto nga nakatabang ang iyang sexy movies  sa Vivamax aron mailhan siya sa kadaghanan. Si  Yuki ang bida sa bag-ong Vivamax project nga  Wanted: Girlfriend . Gani kasagaran sa iyang fans  kay  tawagon siya og “Kuya Vivamax” ug nahimout siya niini.