Kalmado nga gitubag ni Moira dela Torre ang usa ka commenter nga nangutana kun dako ba gyud siya og lawas sa kasamtangan. Gamay na lang matud pa nga push ug magka abs na ang singer. Importante matud pa nga magpagamay kay ang mga lalaki, lawas gyud matud pay tan-awon. Apan kalmado nga tubag ni Moira nga nagkanayon, kun magpagamay man gani siya, dili tungod sa mga lalaki o ubang tawo, kundili, alang sa iyang kaugalingon. Matud ni Moira, ang tinuod nga gugma, dili magtan-aw kun dako o  niwang ka, kundili, dawaton gyud niini ang unsa ka.  “At the end of the day, every person deserves someone who can love them and be faithful to them in all their phases, in every season —sickly, healthy, thin or fat. I hope you’re eating well and that whoever you’re with know your value and your worth whatever size you are." Ni Moira pa.

Nalipay  nga Nakuyawan

Regular co-host na si Regine Velasquez sa Magandang Buhay, ang morning show sa ABS-CBN nga unom ka tuig na sa ere niadtong Abril. Siya maoy hulip kang Karla Estrada. Nahimo na siyang guest co-host sa maong show, apan gibutyag niya nga nakulbaan gihapon siya, siguro tungod kay isip regular co-host, magpas-an na gyud siya og responsibilidad nga mosulbong ang show kauban nila ni Melai Cantiveros ug

 Jolina Magdangal.Responsible Ate

Gipasigarbo ni Doug Kramer ang ilang kamaguwangan nga anak ni Cheska nga si Kendra. Nibalik na sa regular schooling si Kendra niadtong Lunes, human sa upat ka tuig nga home schooling. Grade 8 na siya. Suma pa sa basketbolista, responsabli, hinuon, mahadlukon sa Ginoo ang ilang anak. Modelo matud pa siya sa iyang duha ka mga manghod, ug gikalipay nila nga buotan si Kendra kay sundon matud pa sa iyang mga igsuon ang iyang lihok.

Walay batasan

Balik live selling na sa Facebook si Mariel Rodriguez niadtong nilabay nga adlaw. Apan ang iyang malipayong pagbalik, nabwesit makadiyot dihang may viewer nga nangutana unsay nahitabo sa iyang lawas. Body shaming ang nasinati ni Mariel. Pwes, gitagad niya ang komentaryo ug niingon: "Napakasama naman nitong taong 'to. 'What happened to your body' daw. Okay, nanganak ako, two times, okay? Ikaw? What happened to your attitude? O diba, nakipag-away.”

Kylie, bilib kang Gerald

"So professional. Napaka gentleman. Also, husay umarte. It was just an honor to watch him work." Tubag ni Kylie Padilla, sa pangutana sa iyang followers kumusta isip co-star si Gerald Anderson. Magpares ang duruha sa umaabot nga pelikula nga mag-ulohan og Unravel. Nilupad pa sila sa Switzerland alang sa pipila ka mga eksena niini.

Baby Gurl

Naukay ang netizens niadtong Lunes sa gabii human ni-post niining mao niyang hulagway si Kylie Verzosa. Caption niya: Just wanna be your baby girl. Kasamtangan na matud pa sila nga nag-lock in shooting alang sa umaabot nga pelikula nga mag-ulohan og, Baby Boy, Baby Girl, diin kauban niya si Marco Gumabao. Nakaangkon og dul-an 89, 000 likes kining maong hulagway sulod lamang sa tulo ka mga oras.