Palaro 2024 sa Cebu City suportahan sa Kapitolyo
CEBU, Philippines — Ang Probinsya sa Sugbo uban sa lokal nga kagamhanan sa dakbayan sa Mandaue ug Lapu-Lapu mipadayag og tibook nga pagsuporta sa pag-host sa Cebu City sa maong kalihokan karong tuiga.
“If we are able to work together and collaborate together — this is not just a sports activity — this will be an economic activity which will benefit our constituents, whether they are from the city, the province or the highly urbanized cities,” matud ni Garcia.
Si Garcia nagkanayon nga ang pagsuporta niya sa Palaro, pagtuman sa iyang saad kang Bise Presidente ug Education Secretary Sara Duterte nga mohatag og tibook suporta ang Probinsya sa Sugbo sa maong kalihokan.
Aron mapormal ang arrangement ang mga LGUs gikatakda nga mopasar og resolusyon pagtugot sa mga executive o Mayor nga mopirma og memorandum alang sa himoong kalihokan. Si Mandaue City Mayor Cortes mi-offer pag-host og pipila ka sports events sama sa arnis ug sepak takraw.
Samtang dili pa pinal ang venues ug ubang detalye sa umaabot nga Palaro, pipila sa mga lugar sa Probinsya sa Sugbo sama sa Minglanilla, City of Naga, ug Carcar City ang gikonsiderar sa Probinsya nga mamahimong venue sa pipila ka duwa sa Palaro.
Sugod Hulyo 6, moabot sa 12,000 ka mga partisipante gikan sa 17 ka rehiyon ang moabot sa Sugbo alang sa Palaeo nga gi-organize sa Department of Education. IBM BANAT NEWS
- Latest
