EDITORYAL - “Tama na Lord”

Daghan ang nagpangagot sa ngipon dihang mikatap sa social media ang video nga kuha gikan sa sulod sa ML Unaizah nga usa ka sibilyang lantsa nga giabangan sa Philippine Navy aron maghatud og supply sa mga tropa niini sa BRP Sierra Madre sa Ayungin Shoal.

Ang video nagpakita kun giunsa pagdagmal sa Chinese Coastguard ang lantsa ug mga tripulante ug pasahero niining mga sundalo niadtong Mayo 4,2024. Giingong tulo ka sakay niini ang nangaangol samtang nakaangkon og grabeng kadaut ang maong lantsa nga ginama sa kahoy.

Mora og gikumot og kusog nga bagyo ang talan-awon sa sulod sa lantsa samtang padayon ang pagbomba sa China og tubig gamit ilang water cannons ug madungog sa video ang singgit sa mga tripulante nga diin ang usa nag-ingon “Tama na Lord.”

Gihulagway kini sa Pilipinas nga “dangerous and unsafe maneuvers” ug dakong kalapasan ang gibuhat sa China. Ikaduha na kini nga hitabo diin gibombahan sa China og tubig ang mga barko sa Pilipinas nga igo rang naghatud og supply sa Ayungin Shoal.

Ang DFA mipatawag sa opisyales sa embahada sa China aron kondenahon ang gibuhat nila ngadto sa mga Pilipino. Ang China sa ilang gipagawas nga pamahayag miinsister nga ilaha ang lugar ug nga sila nibuhat lang sa tukmang lakang aron pagprotihir niini.

Kini bisan pa og ang International Tribunal miingon nga walay katungod ang China sa lugar ug kini naa sa sud sa 200 nautical miles exclusive economic zone sa Pilipinas ubos sa UNCLOS.

Dili palang dugay, ang mga Pilipinong marine researchers nga naghimo og pagtuon sa Sandy Cay sa WPS gihasi sab og Chinese helicopter didto dili palang sab dugay. Gituyo sa maong helicopter nga gapatungod ug ubos kaayo ang lupad sa nahimutangan sa mga Pilipino aron samukon sa buga sa hangin ang ilang mga gibuhat sud sa pipila ka minutos.

Ang gobiyerno sa Pilipinas miingon nga magpadayon ang mga susamang misyon sa WPS tungod kay dili niini buhian ang teritoryo. Apan sigurado nga tugbangan sab kini sa China.

Hangtud kanus-a ug hangtud asa kutob magpaitoy-itoy ang Pilipinas aning pisikal ng pagpanakit sa China sa mga Pilipino sa WPS?

EDITORYAL - “Tama na Lord”

Ian B. Melecio

Daghan ang nagpangagot sa ngipon dihang mikatap sa social media ang video nga kuha gikan sa sulod sa ML Unaizah nga usa ka sibilyang lantsa nga giabangan sa Philippine Navy aron maghatud og supply sa mga tropa niini sa BRP Sierra Madre sa Ayungin Shoal.

Ang video nagpakita kun giunsa pagdagmal sa Chinese Coastguard ang lantsa ug mga tripulante ug pasahero niining mga sundalo niadtong Mayo 4,2024. Giingong tulo ka sakay niini ang nangaangol samtang nakaangkon og grabeng kadaut ang maong lantsa nga ginama sa kahoy.

Mora og gikumot og kusog nga bagyo ang talan-awon sa sulod sa lantsa samtang padayon ang pagbomba sa China og tubig gamit ilang water cannons ug madungog sa video ang singgit sa mga tripulante nga diin ang usa nag-ingon “Tama na Lord.”

Gihulagway kini sa Pilipinas nga “dangerous and unsafe maneuvers” ug dakong kalapasan ang gibuhat sa China. Ikaduha na kini nga hitabo diin gibombahan sa China og tubig ang mga barko sa Pilipinas nga igo rang naghatud og supply sa Ayungin Shoal.

Ang DFA mipatawag sa opisyales sa embahada sa China aron kondenahon ang gibuhat nila ngadto sa mga Pilipino. Ang China sa ilang gipagawas nga pamahayag miinsister nga ilaha ang lugar ug nga sila nibuhat lang sa tukmang lakang aron pagprotihir niini.

Kini bisan pa og ang International Tribunal miingon nga walay katungod ang China sa lugar ug kini naa sa sud sa 200 nautical miles exclusive economic zone sa Pilipinas ubos sa UNCLOS.

Dili palang dugay, ang mga Pilipinong marine researchers nga naghimo og pagtuon sa Sandy Cay sa WPS gihasi sab og Chinese helicopter didto dili palang sab dugay. Gituyo sa maong helicopter nga gapatungod ug ubos kaayo ang lupad sa nahimutangan sa mga Pilipino aron samukon sa buga sa hangin ang ilang mga gibuhat sud sa pipila ka minutos.

Ang gobiyerno sa Pilipinas miingon nga magpadayon ang mga susamang misyon sa WPS tungod kay dili niini buhian ang teritoryo. Apan sigurado nga tugbangan sab kini sa China.

Hangtud kanus-a ug hangtud asa kutob magpaitoy-itoy ang Pilipinas aning pisikal ng pagpanakit sa China sa mga Pilipino sa WPS?