Hingpit nga gidili ang paggamit sa cellphone samtang nagmaneho

Dear Atty. Divine,

Gidakop ko sa usa ka traffic enforcer ug giisyuhan ko og violation ticket for distracted driving daw. Naggamit ko sa akong cellphone to answer the call from my mom, but at that time nag-urong ang akong sakyanan kay nagpaabot ko nga mo green ang traffic light. Akong gipasabot ang enforcer nga migamit ko sa akong phone samtang anaa ko sa stoplight ug wa magdagan ang akong sakyanan at that time but iya gyud kung gi -isyuhan og ticket, ang akong pangutana kun legal ba ang iyang pag issue nako og violation ticket? Daghang Salamat. -- David

Dear David,

Bisan pa kun temporaryong nag-urong ang imong sakyanan samtang naggamit ka sa imong cellphone kalapasan gihapon sa Anti-Distracted Driving Act o Republic Act 10913 ang imong gibuhat. Basi sa Section 4 sa maong balaod, kini nagkanayon nga “distracted driving refers to the performance by a motorist of any of the following acts in a motor vehicle in motion or temporarily stopped at a red light, whether diplomatic, public or private, which are hereby declared unlawful.” Ug apil sa prohibited acts sa maong balaod ang paggamit og mobile communication device to write, send, or read a text or to make or receive calls and other similar acts. Busa klaro sa maong balaod nga bisan kun anaa ka sa stoplight kon ikaw ang nagmaneho sa sakyanan, violation gyud niini ang paggamit og cellular phone. Busa ang gihimo sa traffic enforcer pagdakop ug pag issue kanimo og violation ticket adunay legal nga basihanan. Thank you and God Bless. -- Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.