Ilubong sa kalimot ang wala marehistro nga sim

Kinsa ang wala na makagamit sa SIM numbers? Bitaw sugod kaganinang alas dose sa tungang gabii deactivated na ang mga SIM nga wala marehistro human napupos ang gitakdang panahon, ang kadtong mga nakaparehistro aw walay problema apan kadtong pakyas na segi atubanga ang kahasol o let go nalang numbers ug mag move on na sa bag-ong sim.

Human sa July 25 deadline, aduna pa diay lima ka adlaw nga grace period nga ipa reactivate ang numero apan hasol na kaayo kay gikinahaglan na ka og wifi arpn maka access link sa mga telcos.

Ang uban moingon nga mopalit nalang og bag-ong sim ug maoy iparehistro pasagdan nalang daan kay naabtan naman sa deadline. Ayaw ipakagamay kay ang karaan nga numero importante kaayo ilabi na kong mao kiniy gigamit sa mga online transactions. Apil gani sa social media portal kong mao kadto ang gigamit nga link apektado gyud.

Dili na mabasol ang gobiyerno ug ang mga telcos kong wala ka nakaparehistro kay gihatagan na ka og hataas nga panahon alang niini apan tungod sa pagkatapolan mao na kini ang gidangatan.

Segi naa pa may lima ka adlaw ipa-reactivate na ang SIM number.

Gihulagway sa Department of Information and Communication kon DICT nga nagmalamposon ang SIM registration, wala man gyud mahurot apan nakab-ot nila ang target nga marehistro, gidasonan usab kini sa mga telcos.

Usa sa dakong rason sa kagamhanan sa SIM Registration ang pagpakgang sa mga cybercrimes nga naghitak karon diin matud sa opisyal sa NTC-7 nga nakatala gyud sila og pag-ubos sa mga cybercrime incidents apan dili sila makahatag og data kong pila ka porsiYento. Maayo kong tinuod kini kay pastilan hangtud karon daghan pa man kaayo mo-text sa akong sim number nga rehistrado naman ni.