“Humanity and Victory”

Kini ang sentro sa 500th Celebration sa paghandum sa unang circumnagivation sa mga Spanish explorers pinangulohan sa Portuguese nga si Ferdinand Magellan nga unang nakakita og yuta sa nasud nga mao ang  Guiuan, Eastern Samar.

Sa nahasuwat sa kasaysayan, unang nakit-an sa mga langyaw ang Calikoan Island samtang naglayag sila apan wala sila makadunggo.

Nakaagi usab sila sa Suluan Island diin  niangkorahe ang ilang sakayan apa  wala sila mokanaug.

Hangtod nagpadayon sila og layag ug nakahapit sa Homonhon Island nga kaniadto wala pay mga tawo nga nagpuyo ug sila mitaak sa isla ug nagpundo. Pipila sa ilang mga kauban nangasakit, nakita sa mga Kastila nga dunay mga lumad nga nagpadulong sa isla, apan nasuta nga dili kagubot ang tuyo sa mga lumad.

Sila ang mga tawo gikan sa Suloan Island kinsa nagdala og mga pagkaon ngadto sa mga Spanish explorers.

Dinhi napakita sa mga molupyo sa Guiuan ang ilang kaisog dili sa pakig-away kondili sa pagtabang sa mga tawo bisan dili nila kaila sama sa mga Kastila.

Mao kini ang humanity side nga gipakita sa mga Plipino sa wala pa nahitabo ang kombate sa Mactan diin nakalas si Magellan.

Alang sa mga Guiuananon ang Quincentenial o 500 years celebration usa ka kadaugan dili lang sa mga Filipino kon dili kadaugan usab tibuok kalibotan kay niadtong panahona nahitabo ang labing nga pag-circumnavigate ug kabahin kita niini.

Anugon matud pa sa mga Guiuananon nga wala kaayo mahatagan og pagtagad ang humanity o gugma nga gipakita sa mga katiguwangan ug nanghinaut sila ma highlight na usab kini.

Samtang gikatakdang motambong si Presidente Rodrigo Duterte sa culmination sa kasaulogan sa Marso 18 ang unveiling sa historical marker sa Calikoan Island. Unta dili lang sa ika 500 years mahinumduman ang mga hiyas ug mithi sa natong mga Filipino dili lang ang kaisog kon dili ang pagpakabana sa isig ka tawo.