Valid ba ang oral partition?
Dear Atty. Divine,
Duna mi na inherit nga property from our parents. Nagkasabot mi nga among i-partition ang property in equal shares apan tungod kay tua sa US ang usa namo ka igsuon wa mi napirmahan nga kasabutan so oral agreement lang ang nahitabo.
Gusto nako nga tukuran og balay ang akong bahin. Ang akong pangutana kon valid ba ang oral partition? Daghang salamat.
Jessa
* * *
Dear Jessa,
Basi sa Section 1, Rule 74 of the 1997 Revised Rules of Court kini nagkanayon nga ang mga heirs pwedeng magbahin sa estate among themselves kun ang namatay way gibilin nga Last Will and Testament ug way utang ug ang minor de edad adunay legal representatives.
Ang maong balaod wa nag-require nga ang partition sa mga heirs kinahanglan in writing to make it valid. In fact bisan ang oral partition valid kini among the heirs. Basi sa desisyon sa Korte Suprema sa Fajardo vs. Cua-Malate nga gidesisyunan niadtong March 27, 2019 kini nagkanayon nga ang oral partition binding among the heirs tungod kay ang balaod wa nag-require nga kinahanglan gyud kini in writing aron mamahimong valid. Busa sa imo nga kaso, as long as dunay oral agreement or oral partition magpabilin kining valid alang kaninyong mga igsuon. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
