Maila sa imong tiil kon unsa ka (3)

* Gap between the 2nd & 3rd toes – ingon sa nagkal-ang o nagbuwag ang ika-2  ug ang ika-3 nga kuyamoy sa tiil.

Nagpaila kini sa tawo nga ang kinaiya, dili gusto  nga isagol ang pagbati sa uban ang iyang bulohaton.

Sagad sa ingon ining sitwasyon sa tiil, matinumanon sa trabaho nga sensiro, nga kinahanglan nakahawid sa emosyon ug gugma.

Ug usab dili kini kontento sa kinabuhi, kanunay nga gusto mokaplag og mga bag-ong butang.

* The square foot – ang tiil kini nga nagporma mora og kwadrado (square)  o laparon nga kwadro (rectangular) ang tiil.

Hasta sa kumagko ug tanang mga kuyamoy, pareho og gitas-on nga halos nagtupong.

Ang kinaiya ini, mapanagan-on ug mabinantayon, nga sa unsa may buhaton iya una kini timbangon pag-ayo ang mas makaayo, sa dili pa mobuhi’g hustong desisyon.  Kini ang naghimo kanila nga masaligan ug kapiyalan, nga nagbato’g praktikal nga ideya sa mga butang nga buhaton.

* Tilted 3rd toe – medyo mora’g niharag o nagtakilid ang ika-3 o ang tungatungang kuyamoy sa tiil. Ang mga tawo nga ingon ini ang porma sa tiil, nagpasabot sa kinaiya nila nga mga maayo magplano ug pagpanday niini sa kaugmaran alang sa palaabuton.

Maayo sab sila modumala o momugna og mga pamaagi sa pagkontrol sa krisis nga sitwasyon.

Kini sila ang gikinahanglan sa atong panahon nga masulbad ang krisis sa atong palibot.

* Stretched foot – kining matang sa tiil nga nagsikit ang mga tag-ason ug nigpiso’g kuyamoy, apan daku gihapon ang kumagko.

Sagad nila mga hilomon ug maantigo motipig og sekreto.

Mga paraygon nga moluom sa kasakit  ug dali ra patuohon sa mga butang nga isulsol nga way pagsusi sa kamatuoran.